Mwen te fini pa deplase. Men, sa pat fasil, paske te gen twòp rezon,
Mwen te fini pa deplase. Men, sa pat fasil, paske te gen twòp rezon,
Paske mwen pè
Kite dèyè
Yon pèp inosan
Y ap fin souse san.
Paske mwen pè
Kite dèyè
Yon ti sous dlo
K ap file yon pye wozo.
Paske mwen pè
Kite dèyè
Yon bèl jaden
Pwa ki pral donnen.
Paske mwen pè
Kite dèyè
Yon gode chokola
Ak pen a manba.
Paske mwen pè
Kite dèyè
Frechè ki blayi
Andedan yon kay pay.
Paske mwen pè
Kite dèyè
Yon ti mole
Nan fèt chanpèt.
Paske mwen pè
Kite dèyè
Yon grate bandjo
Nan twoubadou.
Paske mwen pè
Kite dèyè
Yon beny larivyè
Apre yon beny lanmè.
Paske mwen pè
Kite dèyè
Yon ti bout tè sakre
Kote lonbrik mwen mare
Paske mwen pè
Kite dèyè
Peyi lanmou m
Ayiti cheri m.
...
A propos de
Marie Johane Brinnius Banatte
Marie Johane Brinnius Banatte est née à Jacmel où se déroula sa petite enfance. Puis, elle vécut une grande partie de sa jeunesse à Port-au-Prince pour poursuivre ses études secondaires et universitaires.
Établie depuis environ 20 ans dans la métro…
